BAföG الباڤوغ

احكي بهالبوست عن الباڤوغ ،  

                                           
 ح حاول قدر الامكان اعطي الخلاصة يلي بتهم الكل هون عنو ، يلي عندو تجربة معو ياريت تحكيها بكومنت حتى غيرو يستفاد منها ، ويلي عندو معلومات تانية تفيد الاشخاص يلي هون كمان ياريت تنكتب بكومنت. 
ال BUNDESAUSBILDUNGSFÖRDERUNG او المعروف بال BAföG ( قانون دعم التعليم الاتحادي ) ..
 قرض طلابي ..
 بحق لللطلبة الجامعيين ، ولطلبة السنة التحضيرية والاوسبلدونغ الو نوعين بافوغ عادي :

 للطلاب الجامعيين وبافوغ طلابي : للاوسبلدونغ او للسنة التحضيرية بالبداية حابة نوه عن شي ..
 انو مو كل القوانين هي يلي بتطبق حرفيا ع ارض الواقع ومو كل القرارات هي لبتمشي .. لما حدا يقدم اي طلب بيتعامل عاساس طلبه وملفه .. 
يعني لهيك الواحد مالازم اذا حدا قلو قانونيا مافيك تقدم بافوغ مايحاول ابدا ..
 جواب الرفض او القبول بتم حسب المقاطعة والشخص واثباتاتو **

 من ناحية نوع الاقامة :                                   
 يحق للطلاب الاجنبي يلي حاصل ع اقامة خمس سنين او مفتوحة انو يقدم عالباڤوغ ، وللطلبة يلي حاصلين على صفة اللجوء او ما شابها ايضا للطلبة يلي قدمو لجوئ بس لسا مو حاصلين على الاقامة ، بحقلن يقدمو عالبافوغ بشرط يكون مدة اقامته في المانيا حوالي ال 15 شهر او اكتر .. ** من ناحية العمر : يحق للشخص البافوغ لعمر ال30 سنة في مرحلة البكالوريس و للحد ال 35 سنة لمرحلة الماجستير * هل بحق للاجئ بشكل عام انو يحصل عالبافوغ وهو عمره بين ال30-33 لمرحلة البكالوريس ! نعم ، لكن مافي شي ثابت بس بهالفترة في تجاوزات كتير عم تصير بسبب الحروب بيتطلب المتقدم بهالحالة انو يعمل شي اسمو فيرابانتراغ ، يلي بتيم فيه كتابة ووصف الحالة بشكل كامل ..

 يعني ليش وشو سبب توقفه عن دراسته وليش اتاخر حتى وصل لهالعمر بدون ما يكون اتخرج تماما .. طبعا مع اثباتات ان وجدت .. على سبيل المثال :                                      

شخص موجود في المانيا من تاريخ ال2015 وانتهى من مستوى البي ١ ب شهر 12 ف هو وعم يصف حالته يثبت بالبيشايد او بكوبي عن الاقامة تاريخ وصوله و بكوبي عن شهادة البي١ انو انتهى منه بشهر ديسمبر وهكذا طبعا بياخدو بعين الاعتبار انو فيي سنتين ضايعين بين الاقامة والانتظار بين الكورسات والوصول لمستوى اللغة المطلوب لازم الشخص يلي عم يوصف حالته ينتبه منيح عالفورم يلي عم يكتب فيه ، لان مستقبله المادي متحدد على هالكم ورقة .. 

** في حال طالب متخرج او عم يدرس باي فرع ، ورح يجي يبلش بفرع جديد وحابب ياخذ بافوغ على هالاساس ، ف هالشي  للاسف كتير صعب .. الا ببعض الحالات الاستثنائية :
 مثلا حساسية من المواد الكيميائية اذا كان مجال شغله او دراسته متعلقة بهالقصص او لسبب طبي ما او للاسباب القاهرة ، وطبعا كلو لازم يتم اثباته اما بتقرير طبي او اي ورق معترف عليه .. بهيك احوال بتم الحصول على هالقرض من جديد ..

 ** للاجئ يلي اتخرج او درس بسوريا ايا مجال وبده هون يبلش بفرع جديد .. قانونيا مابحقله البافوغ ومن اول طلب ح ينرفض ، بس برجع بعيد .. وصف للحالة مكتوب فيها اسباب مقعنة عن سبب التغير بيقدر يحصل على فرصة من جديد .. بالنهاية مافي شي مستحيل ، كلشي ممكن بالصبر والمحاولات .. على سبيل المثال : طالب متخرج او معاه كشف علامات " توصيف مواد" من جامعته بفرع ما وهون حابب يغير هالفرغ ،، طبعا البافو مارح يمولو بس هو ح يحاول ف شوفي حلول او طرق ..! ا في نو ينزل ع شي جامعة فيها بروفيسور لنفس الفرع يلي درس فيه ، يشرحله فيه كل الحالة الحقيقة بدون كذب ، كونو صرحين مع انو منشان البافوغ وهيك ، هنة بيعرفو هالمشاكل وبساعدو ماتاكلو همن طلبو منو بيشاينيغونغ مختومة من اسمو ومن اسم الجامعة ، ومذكور فيها انو هالكشف او شهادات غير معترف عليها ومابحقلو يشتغل هالطالب فيها.. 

 يلي ح يجي يقول ،
 طب مابقول انو انا درست هالشي قبل ، ما بنصحك بهالشي لان كل فترة عم تطلع قوانين جديدة وتحريات جديدة وفكرة انك تخبي شي او تكذب ما بتفيد ابدا ، خصيصيا اذا انت ذاكر هالشي لان حدا من قبل ، ان كان بمحكمة او لاي موظف ...

تكاليف هالقرض :

 ١. بيتعلق بنوع الدراسة واحتياجاتها
 ٢. بالظروف االمالية لعيلة الطالب
 ٣. نوع الفرع للشخص يلي ساكن لحاله بدون اهلة ..
وبتفرقاذا كان اعزب او اذا متجوز عندو ولاد اكيد البافوغ العادي بيصل لحد ال735 يورو شهريا ، بيختلف من مقاطعة للتانية ومن طالب لتاني حسب الشغلات التلاتة المذكوره فوق ..
البافوغ الطلابي بيصل لحد 708 يورو شهريا ..
 في حال الطالب ساكن لحاله بس اهلو معو بنفس المقاطعة وعنده بيت بيساع انو يسكن معهن بينقص الدفع ، بحجة انو عود مع اهلك ، ف لازم يكون في سبب انو البيت صغير ، او عدد افراد العيلة كبير .. الرواتب للطلاب يلي مع اهلن .. البافوغ العادي بكون 537 يورو طبعا حسب التقسيمة تبعن ف 85 يورو رايحين للتامين الصحي دايما .. لللطلبة يلي تامينهن الصحي .. تآمين صحي عائلي بينقص منه هالجزاء تبع التامين .. 
* اذا شخص ، البيت يلي مستاجره غالي و عندو براهين انو ما بيقدر يترك هالبيت لاي شروط كانت او بسبب قلة الاماكن او اي  حجة مقنعة ، ممكنه يسآل البافوغ اذا بيقدر يرفعله الراتب شوي .. اوقات بتزبط مو دايما .. 
 للطلبة يلي مع اهله وعم يعملو سنة تحضيرية ، وهنة عالجوب سنتر الجوبسنتر ٩٠٪ من مراكز الجوب السنتر بيتقدرو يتكفلو فيهن لحد مايخلصو هالسنة ويطلعو عالبافوغ يعني انا مع فكرة انو الشخص يلي عميعمل شتودينكوليج يبقى عالجوب سنتر احسن ما يضلل عالبافوغ ،، لاحق عليه
 ملاحظة البافوغ الطلابي لطلاب السنة التحضيرية اسمو هدية مو مطالب ابدا انك ترجع منه شي ابدا .. ** هل يحق لي ان اشتغل وانا عالبافوغ .. ؟ نعم بحقلك تشتغل لحد مبلغ 4500 يوورو شهريا .. اكتر من هيك بينقص من راتبك تبع البافوغ .. 
** كيف ووين انا بقدر اعمل انتراك بافوغ .. !! 
١. تسحبو اولاين وتعبيه
 ٢. من اي مركز بافوغ بالمقاطعة عندكن والزاخبياربيتونغ تبع اي شخص بكون حسب اول حرف من اسم العيلة دايما ..
 اديه مده البافوغ ؟
بتصل لحد تلت او اربع سنين حسب الفرع الطبي ، وطبعا في تجاوزات لطلاب الطب بيعطو سنة اضافيه .. 

 من خلال مين فيني اعملو ! 
باي جامعة في مكتب خاص للبافوغ متى ما تسجلت فعليا بالجامعة كطالب فعلي واخدت ال Immatrikulation Bescheinigung بحقلك بقا .. او لطلاب الاوسبلونغ عن طريق اقرب Bezirk Amt .. 

 ايمت بحقلي قدم ع البافوغ ! قانونيا حوالي تلات شهور بياخد وقت بين تدقيق ورق وقبولات والموافقة عالقرض ومواعيد .. ف الاحسن الشخص يبلش قبل بوقت حتى قبل ما يحصل على ايا قبول ايجابي من الجامعات .. فيك ترفق مع ملفك انو ورقة التسولاسونغغ ناقصة .. بس حسب التجارب يلي عم تكون باخر فترة ، انو المموضوع عم يتم بفترة تقدر بشهر .. في حال طالب قدم بشهر واحد عالبافوغ ولشهر ٤ بيبدا السمستر وهو ماحصل قبول ،ح يبعتولو انو وين القبول تبعك ! وقتا بتقلن ماحصلت قبول ، بقوم بيلتغا طلبك والسمستر الجاي بتعيد نفس الحركة .. الدفع للبافوغ بكون من تاريخ الانتراغ وبداية الفصل .. يعني اذا حدا عمل الانتراغ بشهر شباط ودوامو ببلش بشهر ٤ ، الدفع ببلش من ابريل بس اذا حدا بلش دوام ب ابريل وقدم عالبافوغ بشهر خمسة ، ف مابيندفعلو شهر ٤ حتى لو كان مبلش دوام .. لهيك الفكرة انو الواحد ما يتاخر ليقدم عليه .. 

 بالانتراغ تبع البافوغ لازم يكون ينذكر فيه اسم الجامعة والمقاطعة .. ف بما انو قلنا لازم نقدم قبل تحصيلنا للقبول .. ف بهيك حالة اي جامعة من يلي نحنا قدمنا عليها منعمل ع اساسا البافوغ .. وماتاكلو هم .. البافوغ بالالمانيا شبكة بكل المقاطعات مرتبطة ببعضهاا البعض .. باسوء الاحوال ، في حال قدم البافوغ ب هامبورغ واجاك قبول ب هانوفر .. ف بتروح عند موظفتك بهامبورغ بتقلها اجاني قبول ب هانوفر فيني اخد ملفي من عندكن ، او هي بتكون حبابة بتحولو مباشرا لهانوفر من عندها ، وبهيك بتكون هالخربطة انتهت وانحلت ... 

 هل البافوغ بيدفع للطلاب يلي عم يدرسو بجامعات خاصة او مدراس خاصة للسنة التحضيرية ! 
بشكل عام لا ، بس اذا هالجامعة او هالمدرسة معترف عليها في المانيا يعني كانت staatlich anerkannt .. ف بهيك حالة البافوغ بيدفع بس تكاليف الشهرية .. الراتب بس بدون ما يدفع رسوم التسجيل والرسوم الجامعية يلي بتكون بالمبالغ الفلانية .. 

 الانتراغ موجود عالموقع الاساسي للبافوغ .
 لما تشوفو ح تلاقو مقسم ل ٨ اقسام ... بهمنا منو نحنا بس لل Formblatt 3 .. يلي حابب يطلع عليه هي هو .. اخر صفحتين يعني القسم التالت ، لازم الاب او الام هو يلي عبيها .. https://www.bafög.de/de/alle-antragsformulare-432.php ويلي عنده اي سؤال بخصوص كيف لازم يتعبي يسال بالكومنتز وطبعا بتم تجديدو سنويا 

 قديش لازم رجع من البافوغ وايمت ! مبدأ نص القرض يعتبر هدية والنص التاني مجبور ترجع بالتقسيط .. 
ك شرط اساسي انت مطالب تبلش بترجعيه بعد خمس سنين من تخرجك .. في حال بلشت شغل بسرعة بتقدر تبلش بتقسيطه ، في حال حتى بعد هالخمس سنين ما اشتغلت ف كل فترة انت مطالب بانك تثبت هالشي ، مثلا عن طريق الجوب سنتر وهيك .. اطول مدة تقسيط مسموحة هي لحد ال٢٠ سنة ممكن اقل ، حسب اديش عم تدفع سنويا .. طبعا في حال كان الطالب متفوق خلال دراسته ودايما بكل سنين الاول او التاني عالدفعة كمان بيجيه تخفيض عالمبلغ المطالب بترجعيه .. بتمنى كون غطيت اكبر قدر ممكن من الاسئلة .. ، وطبعا برد بقول كل حالة الها وضعها ، يفضل كل شخص ينزل ع اقرب مكتب شخصيا ويسال عن وضعه .. وهي روابط وعناوين مهمة يلي بيحب يتواصل معن او يستفسر ع شي .. طبعا بافوغ او شتوديتنفيرك + اسم مقاطعتكن بيطلعكن كل العنوانين والارقام يلي ممكن تقدم او تسالو عن طريقها